Madras Murasu

தமிழகத்தில் 1,695 செவிலியர் பணியிடங்கள்! மாதம் ரூ.21,000 ஊதியம் – டிசம்பர் 4 கடைசி நாள்!

தமிழ்நாடு தேசிய நலவாழ்வு குழுமத்தின் (National Health Mission – Tamil Nadu) கீழ், ஒப்பந்த அடிப்படையில் தற்காலிகமாகப் பணியாற்ற செவிலியர் பணியிடங்களுக்கு தகுதியானவர்களிடமிருந்து விண்ணப்பங்கள் வரவேற்கப்படுகின்றன.

மாவட்ட சுகாதார சங்கங்கள் / மாநகர சுகாதார சங்கங்கள் வாயிலாக, அவசரகால மகப்பேறு மற்றும் பச்சிளம் குழந்தைகள் பராமரிப்பு மையங்கள் (CEmONC), சிறப்பு பச்சிளம் குழந்தைகள் பராமரிப்புப் பிரிவுகள் (SNCU), குழந்தைகள் தீவிர சிகிச்சைப் பிரிவுகள் (PICU) ஆகியவற்றில் பணியிடங்கள் நிரப்பப்பட உள்ளன.

பணியின் பெயர்: செவிலியர் (Staff Nurse)

விவரம் தகவல்
மொத்த காலிப்பணியிடங்கள் 1,695
மாத ஊதியம் ரூ.21,000
வயது வரம்பு அதிகபட்சம் 50 வயது
பணியின் தன்மை ஒப்பந்த அடிப்படையிலான தற்காலிகப் பணி
  • அரசு அல்லது அரசால் அங்கீகரிக்கப்பட்ட தனியார் செவிலியர் கல்லூரியில் GNM / B.Sc. Nursing படிப்பை முடித்திருக்க வேண்டும்.
  • மாநில விதிமுறைகளின்படி அங்கீகரிக்கப்பட்ட பல்கலைக்கழகத்தின் கீழ் கல்வி பயின்றிருக்க வேண்டும்.
  • தமிழ்நாடு செவிலியர் மற்றும் தாதியர் குழுமத்தில் (Tamil Nadu Nurses and Midwives Council) செல்லுபடியாகும் பதிவு பெற்றிருக்க வேண்டும்.

பூர்த்தி செய்யப்பட்ட விண்ணப்பத்துடன் தேவையான கல்விச் சான்றிதழ்கள் மற்றும் தொடர்புடைய ஆவணங்களின் நகல்களை இணைத்து, சம்பந்தப்பட்ட மாவட்ட சுகாதார அலுவலகத்தில் சமர்ப்பிக்க வேண்டும்.

May be an image of text

விண்ணப்பம் அனுப்ப வேண்டிய முகவரி:

நிர்வாகச் செயலாளர் (Executive Secretary),

மாவட்ட சுகாதார அலுவலகம்,

சம்பந்தப்பட்ட மாவட்ட சுகாதார சங்கம் / மாநகர சுகாதார சங்கம்.

<badge color=”danger”>விண்ணப்பிக்க கடைசி நாள்: 04.12.2026</badge>

கடைசி நேரம்: மாலை 5.00 மணி.

விண்ணப்பப் படிவம், மாவட்ட வாரியான மற்றும் மருத்துவமனை வாரியான காலிப்பணியிட விவரங்களைத் தமிழ்நாடு தேசிய நலவாழ்வு குழுமத்தின் அதிகாரப்பூர்வ இணையதளத்தில் பதிவிறக்கம் செய்யலாம்.

இணையதளம்: https://nhm.tn.gov.in

முக்கியக் குறிப்புகள்
  1. பூர்த்தி செய்யப்பட்ட விண்ணப்பத்துடன் தேவையான ஆவணங்களின் நகல்களையும் இணைத்து அனுப்ப வேண்டும்.
  2. விண்ணப்பங்கள் 04.12.2026 அன்று மாலை 5 மணிக்குள் சம்பந்தப்பட்ட மாவட்ட சுகாதார சங்கம் / மாநகர சுகாதார சங்க அலுவலகத்தைச் சென்றடைய வேண்டும்.
  3. இப்பணியிடங்கள் முற்றிலும் தற்காலிகமான ஒப்பந்த அடிப்படையிலானவை. இப்பணியின் மூலம் பணி நிரந்தரம் கோருவதற்கு உரிமை கிடையாது.
  4. தேர்வு செய்யப்படும் விண்ணப்பதாரர்கள் 18.11.2026 தேதியிட்ட அரசாணை எண் 427 (G.O.(Ms).No.427), சுகாதாரம் மற்றும் குடும்ப நலத்துறை அடிப்படையில் பணியமர்த்தப்படுவார்கள்.

வெளியீடு: DIPR/992/Display/2026

இயக்குநர்,
தமிழ்நாடு தேசிய நலவாழ்வு குழுமம்.

Scroll to Top