இந்திய ரயில்வேயில் பல்வேறு பாராமெடிக்கல் பிரிவுகளில் 590 பணியிடங்கள் நிரப்பப்பட உள்ளன. தகுதியான விண்ணப்பதாரர்களிடமிருந்து ஆன்லைன் மூலம் விண்ணப்பங்கள் வரவேற்கப்படுகின்றன. விண்ணப்பங்களை 14.10.2026 இரவு 11.59 மணிக்குள் சமர்ப்பிக்க வேண்டும் என அறிவிப்பில் தெரிவிக்கப்பட்டுள்ளது.
ரயில்வே மருத்துவப் பிரிவில் முக்கியத்துவம் வாய்ந்த பல்வேறு பணிகளுக்கு இந்த ஆட்சேர்ப்பு நடைபெறுகிறது. இதில் அதிகபட்சமாக Nursing Superintendent பணிக்கு 365 காலியிடங்கள் உள்ளன. அடுத்ததாக Pharmacist (Entry Grade) பணிக்கு 118 இடங்களும், Health & Malaria Inspector Grade II பணிக்கு 43 இடங்களும், Lab Assistant Grade II பணிக்கு 31 இடங்களும் அறிவிக்கப்பட்டுள்ளன.
மேலும் Radiographer X-Ray Technician பணிக்கு 25 இடங்கள், ECG Technician பணிக்கு 4 இடங்கள், Optometrist பணிக்கு 2 இடங்கள், Dialysis Technician மற்றும் Audiologist & Speech Therapist ஆகிய பணிகளுக்கு தலா ஒரு இடம் என மொத்தம் 590 பணியிடங்கள் உள்ளன.
பணியிடங்கள் மற்றும் காலியிடங்கள்
| பணி | காலியிடங்கள் | ஆரம்ப ஊதியம் |
|---|---|---|
| Nursing Superintendent | 365 | ₹44,900 |
| Dialysis Technician | 1 | ₹35,400 |
| Health & Malaria Inspector Gr II | 43 | ₹35,400 |
| Audiologist & Speech Therapist | 1 | ₹35,400 |
| Pharmacist (Entry Grade) | 118 | ₹29,200 |
| Radiographer X-Ray Technician | 25 | ₹29,200 |
| ECG Technician | 4 | ₹25,500 |
| Optometrist | 2 | ₹25,500 |
| Lab Assistant Gr. II | 31 | ₹21,700 |
| மொத்தம் | 590 | — |
வயது வரம்பு
வயது கணக்கீடு 01.01.2027 தேதியை அடிப்படையாகக் கொண்டுள்ளது. பணிக்கு ஏற்ப வயது வரம்பு மாறுபடுகிறது. Nursing Superintendent மற்றும் Pharmacist பணிகளுக்கு 20 முதல் 40 வயது மற்றும் 20 முதல் 35 வயது வரையிலும், Dialysis Technician பணிக்கு 20 முதல் 33 வயது வரையிலும் வயது வரம்பு நிர்ணயிக்கப்பட்டுள்ளது.
Health & Malaria Inspector Grade II மற்றும் ECG Technician, Optometrist, Lab Assistant Grade II பணிகளுக்கு 18 முதல் 33 வயது வரையிலும், Audiologist & Speech Therapist பணிக்கு 21 முதல் 30 வயது வரையிலும் வயது வரம்பு குறிப்பிடப்பட்டுள்ளது. Radiographer X-Ray Technician பணிக்கு 19 முதல் 33 வயது வரை விண்ணப்பிக்கலாம்.
பணியின் தன்மைக்கு ஏற்ப C1 அல்லது B1 மருத்துவத் தரநிலை நிர்ணயிக்கப்பட்டுள்ளது. Nursing Superintendent, Health & Malaria Inspector Grade II மற்றும் ECG Technician ஆகிய பணிகளுக்கு C1 மருத்துவத் தரநிலை குறிப்பிடப்பட்டுள்ளது. மற்ற சில பணிகளுக்கு B1 மருத்துவத் தரநிலை நிர்ணயிக்கப்பட்டுள்ளது.
தேர்வு மற்றும் விண்ணப்பம்
தகுதியானவர்கள் அறிவிப்பில் குறிப்பிடப்பட்டுள்ள கல்வித்தகுதி, வயது, மருத்துவத் தரநிலை உள்ளிட்ட அனைத்து நிபந்தனைகளையும் சரிபார்த்து ஆன்லைன் முறையில் மட்டுமே விண்ணப்பிக்க வேண்டும். ரயில்வே வாரியம் மற்றும் மண்டல வாரியாக காலியிடங்களின் விரிவான பிரிவுகள் Annexure B பகுதியில் வழங்கப்பட்டுள்ளதாக அறிவிப்பில் குறிப்பிடப்பட்டுள்ளது.
இந்த ஆட்சேர்ப்பு மருத்துவம் மற்றும் பாராமெடிக்கல் துறையில் தகுதி பெற்றவர்கள் இந்திய ரயில்வேயில் பணியில் சேருவதற்கான வாய்ப்பை வழங்குகிறது. விண்ணப்பதாரர்கள் இறுதி நாளை எதிர்பார்க்காமல், அதிகாரப்பூர்வ அறிவிப்பில் தங்களுக்கான கல்வித்தகுதி மற்றும் பிற நிபந்தனைகளை சரிபார்த்து விண்ணப்பிப்பது முக்கியம்