கல்லில் செதுக்கப்பட்ட ஆதிசங்கரரின் வரலாறு – கல்வெட்டுகள் மூலம் புதிய தேடல்!

ஆதிசங்கரர் தொடர்பான கல்வெட்டுகள் ஆய்வு

ஆதிசங்கரர் தொடர்பான கல்வெட்டுகளை அடையாளம் கண்டு தொகுக்கும் பணியை இந்தியத் தொல்லியல் ஆய்வுத் துறையின் கல்வெட்டுப் பிரிவு தொடங்கியுள்ளது. மத்திய கல்வி அமைச்சகத்தின் ஒதுக்கீட்டில் மேற்கொள்ளப்படும் இத்திட்டம், கல்வி மற்றும் ஆராய்ச்சிக்குப் பயன்படும் வகையில் ஆதிசங்கரர் தொடர்பான கல்வெட்டு ஆவணங்களைத் திரட்டுவதை நோக்கமாகக் கொண்டுள்ளது.

முக்கிய வரலாற்றுச் சான்றுகள்

ஆதிசங்கரருடன் நேரடியாகத் தொடர்புபடுத்தக்கூடிய கல்வெட்டுகள் மிகக் குறைவாகவே இதுவரை கிடைத்துள்ளன.

• கி.பி. 500–515 காலகட்டத்தைச் சேர்ந்ததாகக் கருதப்படும் செப்பேட்டுக் கல்வெட்டு குஜராத்தில் கண்டறியப்பட்டுள்ளது.

• 11-ஆம் நூற்றாண்டைச் சேர்ந்த கல்வெட்டு, திருச்சிராப்பள்ளி மாவட்டத்தில் உள்ள சோழமாதேவி கோயிலில் கண்டறியப்பட்டுள்ளது. இது ஆதிசங்கரரின் தத்துவப் பணிகளைக் குறிப்பிடுகிறது.

இந்த ஆய்வு முறையாகச் செயல்படுத்தப்பட்டால், ஆதிசங்கரரின் வரலாறு, பயணங்கள் மற்றும் அவரது தத்துவக் கொள்கைகள் பரவிய விதம் குறித்து கூடுதல் வரலாற்றுச் சான்றுகள் கிடைக்க வாய்ப்புள்ளதாக திருப்பதி தேசிய சமஸ்கிருதப் பல்கலைக்கழகப் பேராசிரியர் ஜி. சங்கரநாராயணம் தெரிவித்துள்ளார்.