JEE MAIN 2027 தேர்வு! ஜனவரி 20 முதல் தேர்வு – நவம்பர் 22 கடைசி நாள்!

பிளஸ் 2 முடித்தவர்கள் மற்றும் தற்போது பிளஸ் 2 படித்து வருபவர்கள் இத்தேர்வுக்கு விண்ணப்பிக்கலாம்.

கல்வித்தகுதி:

2025, 2026 ஆகிய ஆண்டுகளில் பிளஸ் 2 அல்லது அதற்கு இணையான தேர்வில் தேர்ச்சி பெற்றவர்கள், 2027-ல் பிளஸ் 2 தேர்வு எழுத உள்ளவர்கள் விண்ணப்பிக்கத் தகுதியுடையவர்கள்.

பி.இ., பி.டெக். படிப்புகளுக்கு இயற்பியல் மற்றும் கணிதம் உள்ளிட்ட குறிப்பிட்ட பாடத்தகுதிகள் அவசியம். பி.ஆர்க். மற்றும் பி.பிளானிங் படிப்புகளுக்கு தனித்தனி பாடத்தகுதிகள் உள்ளன.

விண்ணப்பிக்க அதிகபட்ச வயது வரம்பு கிடையாது.

தேர்வு நடைபெறும் தேதி:

முதல் அமர்வு (Session 1) தேர்வு 2027 ஜனவரி 20, 21, 22, 23, 24 மற்றும் 28 ஆகிய தேதிகளில் நடைபெற உள்ளது.

இரண்டாவது அமர்வு (Session 2) தேர்வு ஏப்ரல் 2 முதல் 7 வரை நடைபெறும்.

கணினி வழியில் (CBT) தேர்வு நடத்தப்படும். தமிழ், ஆங்கிலம் உள்ளிட்ட 13 மொழிகளில் தேர்வு எழுதலாம்.

விண்ணப்பிக்கும் தேதி:

விண்ணப்பம் தொடங்கிய நாள்: 24.10.2026.

விண்ணப்பிக்க கடைசி நாள்: 22.11.2026 (இரவு 11.50 மணி).

தாமதக் கட்டணத்துடன் விண்ணப்பிக்க: நவம்பர் 23 முதல் 26 வரை.

விண்ணப்பத்தில் திருத்தம் செய்ய: நவம்பர் 27 முதல் 29 வரை.

விண்ணப்பக் கட்டணம்:

பொதுப்பிரிவு ஆண்கள் – ரூ.1,000; பெண்கள் – ரூ.800.

ஓபிசி-என்சிஎல் / இ.டபிள்யூ.எஸ். ஆண்கள் – ரூ.900; பெண்கள் – ரூ.800.

எஸ்சி, எஸ்டி மற்றும் மாற்றுத்திறனாளிகள் – ரூ.500.

முக்கிய இணையதளம்:

https://jeemain.nta.nic.in/

மாணவர்கள் கடைசி நாள் வரை காத்திருக்காமல் விண்ணப்பிக்க வேண்டும். விண்ணப்பித்த பிறகு கட்டணம் செலுத்தி உறுதிப்படுத்தல் பக்கத்தை (Confirmation Page) பதிவிறக்கம் செய்து வைத்துக்கொள்ள வேண்டும்.