12-ம் வகுப்பு பிரிவு: இந்திய கடற்படைக்கு அக்னி வீரர்களை தேர்வு செய்வதற்கான அறிவிப்பு வெளியாகி இருக்கிறது. 12-ம் வகுப்பில் தேர்ச்சி பெற்ற ஆண்/ பெண் விண்ணப்பத்தாரர்களிடம் இருந்து விண்ணப்பங்கள் வரவேற்க்கப்படுகின்றன. 273 பெண்கள் உள்பட மொத்தம் 1,365 அக்னி வீரர்கள் தேர்வு செய்யப்பட இருக்கிறார்கள்.

கல்வித்தகுதி: 10-ம் வகுப்பு முடித்து 12-ம் வகுப்பு படித்திருக்க வேண்டும். கணிதம், இயற்பியல் கண்டிப்பாக படித்திருக்க வேண்டும். மேலும் வேதியியல், பயாலஜி, கம்யூட்டர் சயின்ஸ் ஆகியவற்றில் ஏதாவது ஒரு பாடத்தை எடுத்து படித்திருக்க வேண்டும்.

மெட்ரிக் பிரிவு: மெட்ரிக் (10-ம் வகுப்பு) பிரிவில் 100 அக்னி வீரர்கள் தேர்வு செய்யப்பட இருக்கிறார்கள். அதில் 28 இடங்கள் பெண்களுக்கு ஒதுக்கப்பட்டுள்ளது.

இந்த இருபிரிவுகளிலும் தேர்வு செய்ய வயது வரம்பு நிர்ணயம்: அதாவது, அக்னி வீரர்கள் இரு பிரிவினரும் 01.11.2002 மற்றும் 30.04.2006 ஆகிய தேதிகளுக்குள் பிறந்திருக்க வேண்டும். இந்த இரு நாட்களில் பிறந்தவராகவும் இருக்கலாம். இந்த தேதிகள் இரு பிரிவுகளுக்கும் பொதுவானவை.

திருமணத் தகுதி: திருமணம் ஆகாத ஆண்/ பெண் விண்ணப்பத்தாரர்கள் மட்டுமே அக்னி வீரர் பணியில் சேர முடியும். 4 ஆண்டு பணிக் காலத்திலும் அவர்கள், திருமணம் செய்து கொள்ள அனுமதி கிடையாது.

மாதச் சம்பளம்: முதல் ஆண்டு ரூ.21000, இரண்டாம் ஆண்டு ரூ.23,100. மூன்றாம் ஆண்டு 25,550. நான்காம் ஆண்டு 28,000 என்று மாத சம்பளம் உண்டு.

தேர்வு முறை: ஆன்லைன் முறையில் கொள்குறி வகையில் எழுத்து தேர்வு இருக்கும். மாநிலத்திற்கு ஒதுக்கீடு செய்யப்பட்டுள்ள காலிப் பணி இடம் அடிப்படையில் அக்னி வீரர் தேர்ந்தெடுப்பதற்கான மதிப்பெண் நிர்ணயிக்கப்படும். எழுத்து தேர்வுக்கு பின்னர், உடற்தகுதி தேர்வு நடைபெறும். கடைசியாக. மெடிக்கல் டெஸ்ட் உண்டு. அதன் பின்னர், தேர்வு செய்யப்பட்ட அக்னி வீரர் இறுதி பட்டியல் வெளியாகும்.

உயரம்: அண்களுக்கு குறைந்தபட்ச உயரம் 157 செமீ., பெண்களுக்கு 152 செமீ.

விண்ணப்பிப்பது எப்படி?: இந்த அக்னி வீரர் தேர்வுக்கு https://agniveernavy.cdac.in/ என்ற இணையதளத்தில் மே 29-ம் தேதி முதல் ஜுன் 15 வரை விண்ணப்பிக்க வேண்டும். தேர்வு தேதி பின்னர் அறிவிக்கப்படும்.

(Online applications are invited from unmarried male and unmarried female candidates (fulfilling the conditions of nationality as laid down by #GoI) for enrolment as Agniveer (SSR) and Agniveer (MR) for 02/ 2023 (Nov 2023) batch. The entry will be open from 29 May 2023. The last date for submission of online application is 15 Jun 2023. For eligibility criteria and other details, visit www.joinindiannavy.gov.in and Employment News dated 27 May 2023.)

The post ’’கடற்படை அக்னி வீரர் தேர்வு – ஜூன் 15 கடைசி தேதி’’ 1,465 காலிப் பணி இடம் அறிவிப்பு first appeared on Madras Murasu.