மத்திய அரசுக்கு சொந்தமான Bank of Baroda, Canara Bank, Indian Overseas Bank, UCO Bank, Bank of India, Central Bank of India, Punjab National Bank, Union Bank of India, Bank of Maharashtra, Indian Bank, Punjab & Sind Bank ஆகிய 11 பொதுத்துறை வங்கிகளில் ஒருங்கிணைந்த ஆட்சேர்க்கை அறிவிப்பு வெளியாகி இருக்கிறது.

20 வயது முதல் 28 வயதுக்குள் இருக்கும் பட்டதாரிகள் இந்த வேலைக்கு விண்ணப்பிக்கலாம். அவர்கள்,  02.07.1996 – 01.07.2004 ஆகிய தினங்களுக்குள் பிறந்திருக்க வேண்டும். இந்த இரண்டு நாட்களில் பிறந்தவர்களும் விண்ணப்பிக்கலாம். இட ஒதுக்கீட்டு பிரிவிற்குள் வரும் சாதியினருக்கு குறைந்த பட்சம் 5 ஆண்டுகளும் அதிகபட்சம் 10 ஆண்டுகளும் வயது சலுகை வழங்கப்பட்டுள்ளது. முன்னாள் ராணுவத்தினர், விதவைகள், மாற்றுத்திறனாளிகளுக்கு வயது வரம்பில் சிறப்பு சலுகைகள் அறிவிக்கப்பட்டுள்ளன.

முதல் நிலைத் தேர்வு, முதன்மைத் தேர்வு என்று எழுத்து தேர்வு இரண்டு கட்டங்களாக நடைபெறும். கொள்குறி வகையிலான இந்த தேர்வானது தமிழ், ஆங்கிலம், இந்தி என்று மொத்தம் 13 மொழிகளில் நடக்கும். தமிழ்நாடு, பாண்டிச்சேரி விண்ணப்பத்தாரர்கள், தமிழ் வழியில் தேர்வினை எழுதலாம்.

இந்த வேலைக்கான விண்ணப்ப பதிவு ஜூன் 1 ஆம் தேதி தொடங்கி, ஜூன் 21 ஆம் தேதியுடன் முடிகிறது. இத்தேர்வினை எழுதுவோருக்கு 12.08.2024 to 17.08.2024 ஆகிய நாட்களில் எழுத்து தேர்வுக்கான பயிற்சி வழங்கப்படும். ஆகஸ்ட் மாதம் முதல்நிலைத் தேர்வும் அக்டோபர் மாதம் முதன்மைத் தேர்வும் நடைபெறும். 2025 ஆம் ஆண்டு ஏப்ரல் மாதம், வேலைக்கு தேர்வு பெற்றோர் பட்டியல் வெளியிடப்படும்.

இந்த தேர்வு குறித்த முழுமையான அறிவிப்பினை CRP_Clerks_XIV_Final_Notification_28.6.24 இங்கே கிளிக் செய்து படிக்கலாம். பாடத்திட்டம், கல்வித்தகுதி, மாதிரி சான்றிதழ் என்று இத்தேர்வுக்கு தேவையான பல்வேறு முக்கிய தகவல்கள் இடம்பெற்றுள்ளன. எனவே, வேலைவாய்ப்பு குறித்த அறிவிப்பினை முழுமையாக படித்து விட்டு விண்ணப்பிக்க வேண்டும்.

விண்ணப்பம் செய்ய  https://ibpsonline.ibps.in/crpcl14jun24/  என்ற தளத்தை கிளிக் செய்ய வேண்டும்.  இத்தேர்வு எழுதும் விண்ணப்பத்தாரர் website www.ibps.in  என்ற இணையத்தளத்தை தொடர்ந்து பார்த்து வர வேண்டும்.

The post ’’பொதுத்துறை வங்கிகளில் 6128 காலிப்பணியிடம்..!’’ பட்டதாரிகள் விண்ணப்பிக்கலாம் first appeared on Madras Murasu.

இந்த வினாக்கள் அனைத்தும் 21 பாடங்களில் 293 நுண் தலைப்புகளில் (Micro topics) வகைப்படுத்தப்பட்டுள்ளன.‌

மாணவர்கள் தாங்கள் படிக்கும் பாடத்தில் உடனடியாக பயிற்சி செய்யும் விதமாக Study mode, Practice mode, Mock test ஆகிய மூன்று விதங்களில் இந்த வினாக்களை பயிற்சி செய்து தங்களது தேர்வு தயாரிப்பை மேம்படுத்திக் கொள்ளலாம். Practice mode, Mock test ஆகியவற்றில் பிறர் போட்டித் தேர்வு மாணவர்களுடன் தங்களது கற்றல் நிலை எந்த நிலையில் உள்ளது என்பதை ஒப்பிட்டு சரி பார்த்துக் கொள்ளலாம். ஒவ்வொரு மாணவரும் தங்களது கற்றல் முன்னேற்றத்தை பார்த்துக் கொள்வதற்கான Progress Report வழங்கப்பட்டுள்ளது.

எந்த மாணவர் எந்தப் பாடம் படித்துக் கொண்டு இருந்தாலும் அந்தப் பாடத்தில் இருக்கும் வினாக்களைத் தேடி எடுத்து பயிற்சி செய்வதற்கான சிறப்பான தேடுதல் வசதி (Searching ) ஏற்படுத்தப்பட்டுள்ளது.

அண்ணா நூற்றாண்டு நூலகத்தின் மின்னணு கற்றல் மேலாண்மை முறை அனைத்து பொது நூலக வாசகர்களுக்கும் விரிவு செய்யப்படுகிறது.

இந்த வசதியைப் பயன்படுத்திக் கொள்ள போட்டித் தேர்வு மாணவர்கள் அணுக வேண்டிய இணையதளம் மற்றும் இணையதளத்தில் பதிவு செய்வதற்காக இணைப்புகள் இங்கு வழங்கப்பட்டுள்ளன https://elms.annacentenarylibrary.org/?redirect=%2Fusers%2Fdashboard . இந்த மின்னணு கற்றல் மேலாண்மை முறையைப் பயன்படுத்தி எவ்வாறு போட்டித் தேர்வு தயாரிப்பில் ஈடுபடுவது என்பதற்கான வீடியோ விளக்கங்களும் வழங்கப்பட்டுள்ளன.

இணையதளத்தில் பதிவு செய்து கொண்ட பிறகு மாணவர்கள் தங்களது கைபேசி செயலி வழியாகவோ அல்லது கணினி வழியாகவோ இந்த மின்னணு கற்றல் மேலாண்மை முறையை முற்றிலும் இலவசமாகப் பயன்படுத்திக் கொள்ளலாம்.

பொது நூலக இயக்ககம் சார்பில் வழங்கப்படும் இந்த வசதியை நூலகத்தைப் பயன்படுத்தும் அனைத்து போட்டித் தேர்வு மாணவர்களையும் சென்றடையும் வகையில் ஒவ்வொரு போட்டி தேர்வு மாணவர் படிக்கும் மேசைகளிலும் இடம்பெறும் வகையில் இணையதள இணைப்பு மற்றும் இணையதளத்தை அணுகுவதற்கான க்யூ ஆர் கோடு ஆகியவை உள்ள கையேடுகள் இத்துடன் இணைத்து அனுப்பப்படுகின்றன.

இந்த அறிவிப்பை அனைத்து மாவட்ட நூலகங்கள், முழுநேர கிளை நூலகங்கள், கிளை நூலகங்கள், மற்றும் ஊர்ப் புற நூலகங்களின் தகவல் பலகையில் ஒட்டி வைக்க வேண்டும். நூலகத்தில் உள்ள போட்டித் தேர்வு மாணவர்கள் பிரிவின் ஒவ்வொரு மேசையிலும் இந்த அறிவிப்பு இடம் பெற்று இருக்க வேண்டும்.

இந்த அறிவிப்பினை அனைத்து மாவட்ட நூலக அலுவலர்களும் நூலகர்களுக்கு அனுப்பி வைத்து மாணவர்கள் பயன்பெறுவதற்கு ஏற்பாடு செய்யுமாறு கேட்டுக் கொள்கிறோம்.

மின்னணு கற்றல் மேலாண்மை முறை குறித்து மாணவர்கள் அளிக்கும் கருத்துக்களைப் பொது நூலக இயக்கத்திற்கு அனுப்பி வைக்கலாம். இது இந்த வசதியை மேம்படுத்துவதற்கு உதவியாக இருக்கும். இத்தகவலை பொது நூலக இயக்குனர் வெளியிட்டுள்ளார்.

The post ’’போட்டித் தேர்வில் இனி ஈசியா பாஸ் ஆகலாம்..!’’ தனியார் கோச்சிங் செண்டர்களுக்கு செல்ல வேண்டம் first appeared on Madras Murasu.