TNPSC, SSC, IBPS, RRB ஆகிய முகமைகள் நடத்தும் போட்டித் தேர்வுகளில் கலந்து கொள்ளும் தமிழ்நாட்டைச் சேர்ந்த ஆர்வலர்களுக்கு தமிழக அரசின் சார்பில் இயங்கும் போட்டித் தேர்வுகள் பயிற்சி மையங்களால் கட்டணமில்லாப் பயிற்சி வகுப்புகள், சென்னை, பழைய வண்ணாரப்பேட்டையில் உள்ள சர் தியாகராயா கல்லூரி வளாகத்தில் 500 ஆர்வலர்களுக்கும் மற்றும் சென்னை, சேப்பாக்கத்தில் உள்ள மாநிலக் கல்லூரி வளாகத்தில் 300 ஆர்வலர்களுக்கும் பயிற்சிகள் வழங்கப்பட்டு வருகிறது.

மேற்படி போட்டித் தேர்வுகளில் கலந்து கொள்ளும் ஆர்வலர்களுக்கான பயிற்சி வகுப்புகளுக்கு இணையவழியாக விண்ணப்பங்கள் பெற்று, புதிதாக சேர்க்கை நடைபெற உள்ளது. பயிற்சி வகுப்புகள் பிற்பகல் 2.00 மணி முதல் 5.00 மணி வரை ஆறு மாத காலம் வாராந்திர வேலை நாட்களில் நடைபெற உள்ளது. பயிற்சி வகுப்புகளில் சேர விரும்பும் ஆர்வலர்கள் குறைந்த பட்சம் 10 ஆம் வகுப்பு தேர்ச்சி பெற்றிருப்பதோடு 01-01-2024 அன்று 18 வயது பூர்த்தி செய்திருக்க வேண்டும். மேற்படி போட்டித் தேர்வுகள் பயிற்சி மையங்களில் உணவு மற்றும் தங்கும் வசதிகள் இல்லை.

பயிற்சியில் சேர விரும்பும் ஆர்வலர்கள் போட்டித் தேர்வுகள் பயிற்சி மைய இணையதளம் www.cecc.in வாயிலாக 10.09-2024 முதல் 24.09.2024 வரை விண்ணப்பிக்கலாம். பயிற்சி வகுப்புகளில் சேர்க்கை தொடர்பான கூடுதல் விவரங்களை மேற்குறிப்பிட்ட இணையதள முகவரியில் பார்த்து தெரிந்து கொள்ளலாம். மேலும் விவரங்களுக்கு 044 – 25954905 மற்றும் 044 – 28510537 ஆகிய தொலைபேசி எண்களைத் தொடர்பு கொள்ளலாம்.

பத்தாம் வகுப்பில் பெற்ற மதிப்பெண்களின் அடிப்படையில் தமிழக அரசால் நடைமுறைபடுத்தப்பட்டுள்ள இனவாரியான இடங்களுக்கு ஏற்ப ஆர்வலர்கள் தெரிவு செய்யப்பட்டு, தேர்ந்தெடுக்கப்பட்டவர்களின் விவரங்கள் மேற்குறிப்பிட்ட இணையதளத்தில் வெளியிடப்படும். அக்டோபர் மாதம் இரண்டாம் வாரத்தில் பயிற்சி வகுப்புகள் தொடங்கப்படும் என்பதைத் தெரிவித்துக் கொள்கிறேன் என்று பயிற்சித் துறைத் தலைவர் அறிவித்துள்ளார்.

The post TNPSC, SSC, IBPS, RRB போட்டித் தேர்வு இலவச பயிற்சி ..! உடனே விண்ணப்பிக்கலாம் first appeared on Madras Murasu.

சென்னையை தலைமை இடமாகக் கொண்டு இந்தியன் வங்கி செயல்படுகிறது. மத்திய அரசின் நிதி அமைச்சகத்தின் நேரடி கட்டுப்பாட்டில் உள்ள பொதுத்துறை வங்கியான, இந்தியன் வங்கியில் தொழில் பழகுநர் என்கிற அப்ரண்டீஸ் வேலைக்கு ஆட்களை தேர்வு செய்யும் அறிவிப்பு வெளியாகி உள்ளது. ஏதேனும் ஒரு பட்டப்படிப்பினை முடித்தவர்கள் இந்த வேலைக்கு விண்ணப்பிக்கலாம்.

நாடு முழுவதும் மொத்தம் 1500 பேர் தேர்வு செய்யப்பட இருக்கிறார்கள். இவர்களுக்கு, ஓராண்டு வேலை தரப்படும். கிராமப்புங்களில் உள்ள இந்தியன் வங்கியில் வேலை என்றால் மாதம் ரூ.12 ஆயிரமும் நகர்புற வங்கி என்றால் மாதம் ரூ.15 ஆயிரமும் தொழில் பழகுநர் ஊதியமாக தரப்படும் என்று அறிவிக்கப்பட்டுள்ளது.

01.07.2024 அன்று குறைந்த பட்சம் 20 வயது பூர்த்தி ஆகி இருக்க வேண்டும். அதிகபட்சமாக 28 வயது முடிந்து இருக்கக் கூடாது. ஆனால், SC/ST/OBC/PWBD (அனைத்து வகையிலான மாற்றுத்திறனாளிகள்) ஆகிய இடஒதுக்கீடு பிரிவினருக்கு மத்திய அரசு விதிகளின் படி, உச்ச வயது வரம்பில் தளர்வுகள் அறிவிக்கப்பட்டுள்ளது.

எழுத்து தேர்வில் Reasoning Aptitude and Computer Knowledge, General English , Quantitative Aptitude , General Financial Awareness ஆகிய பாடங்களில் இருந்து தலா 25 கேள்விகள் வீதம் மொத்தம் 100 கேள்விகள் கேட்க்கப்படும். தமிழ், ஆங்கிலம், இந்தி, தெலுங்கு, மலையாளம் என்று அட்டவணையில் உள்ள அனைத்து மொழிகளிலும் நடைபெறும். தமிழ்நாடு, பாண்டிச்சேரி மாணவர்கள், தமிழ் மொழி வழியில் இந்த தேர்வினை எழுதலாம்.

இத்தேர்வுக்கான அனைத்து பாடங்களும் www.youtube.com/@MadrasMurasu என்ற தளத்தில் உள்ளது. எளிதில் புரியும் வகையில் எளிய நடையில் பாடங்கள் கொடுக்கப்பட்டுள்ளன. இந்த மெட்ராஸ் முரசு யூடியூப் சேனலை சப்ஸ்கிரைப் செய்து அனைத்து வீடியோக்களையும் பாருங்கள். இந்தியன் வங்கியில் வேலையில் சேருங்கள். இந்த வேலை குறித்த முழுமையான அறிவிக்கையை படிக்க indian_bank_1500_job_Apprentices-under-the-Apprentices-Act-1961  இங்கே கிளிக் செய்யலாம்.

ஜுலை 10 ஆம் தேதி விண்ணப்ப பதிவு தொடங்கி விட்டது. ஜுலை 31 வரை ஆன்லைன் மூலம் விண்ணப்பிக்கலாம். எழுத்து தேர்வு மூலம் பணி நியமனம் நடைபெறும் என்று இந்தியன் வங்கி அறிவித்துள்ளது.

The post இந்தியன் வங்கியில் 1500 காலிப் பணியிடம்..! பட்டதாரிகள் விண்ணப்பிக்கலாம் first appeared on Madras Murasu.

கல்வித்தகுதி : பட்டதாரிகள், விவசாய பட்டதாரிகள், கால்நடை பட்டதாரிகள், பொறியாளர்கள், பட்டய கணக்கர்-சிஏ, சட்ட பட்டதாரிகள், எம்.பி.ஏ (மார்க்கெட்டிங்) என்று கல்வித்தகுதி நிர்ணயிக்கப்பட்டுள்ளது.

முன் அனுபவம்: அலுவலக உதவியாளர், அதிகாரி ஸ்கேல் 1 ஆகிய பதவிகளுக்கு  முன் அனுபவம் தேவையில்லை. மற்ற பதவிகளுக்கு ஒர் ஆண்டு முதல் அதிகபட்டம் 5 ஆண்டு முன் அனுபவம் தேவை.

வயது வரம்பு : For Officer Scale- III (Senior Manager)- Above 21 years, For Officer Scale- II (Manager) – Above 21 years – Below 32 years, For Officer Scale- I (Assistant Manager) – Above 18 years – Below 30 years, For Office Assistant (Multipurpose) – Between 18 years and 28 years. மத்திய அரசின் விதிகளின் படி, வகுப்பு வாரியான வயது வரம்பு தளர்வுகள் உண்டு.

தேர்ச்சி முறை : முதல் நிலைத்தேர்வு, முதன்மைத் தேர்வு மற்றும் நேர்முகத்தேர்வு என்று மூன்று கட்டங்களில் தேர்வு நடைபெறும்.

தேர்வு மொழி : பொதுவாக இந்த தேர்வு ஆங்கில வழியில் நடக்கிறது. தமிழ்நாடு பாண்டிசேரி தேர்வர்கள் தமிழ் வழியில் தேர்வு எழுதலாம்.

தேர்வு மய்யம்: தமிழ்நாட்டில் சென்னை, கோவை, மதுரை, நாகர்கோவில், நாமக்கல், சேலம், திருச்சி, நெல்லை, வேலூர், விருதுநகர்.

முன் தேர்வு பயிற்சி: இத்தேர்வு எழுதுவோருக்கு கிராம வங்கி சார்பில் இலவச பயிற்சி வழங்கப்படுகிறது. இந்த பயிற்சி தேவைப்படுவோர், தேர்வுக்கு விண்ணப்பிக்கும் போது அதற்கான விரும்பத்தை கண்டிப்பாக தெரிவிக்க வேண்டும். இந்த முன் தேர்வு பயிற்சி வகுப்புகள் 17.07.2023 முதல் 22.07.2023 வரை நடைபெறும்.

விண்ணப்பக் கட்டணம்: எஸ்.சி., எஸ்.டி., மாற்றுத்திறனாளிகள் ரூ.175, மற்றவர்களுக்கு 850 என்று விண்ணப்பக் கட்டணம் நிர்ணயிக்கப்பட்டுள்ளது.

கடைசி நாள் : 21.6.2023

விண்ணப்பம், முழு விபரம் : https://www.ibps.in

மொத்தமுள்ள 43 கிராமப்புற வங்கிகளில் தமிழ்நாடு கிராம வங்கி, புதுவை பாரதியார் கிராம வங்கி ஆகியவையும் இடம்பெற்றுள்ளன. 43 வங்கிகளுக்கும் பொதுவான தேர்வு இது. அனைத்து வங்கிகளுக்குமான இத்தேர்வை ஆங்கிலத்தில் எழுதலாம். தமிழ்நாடு, பாண்டிச்சேரியை சேர்ந்தவர்களுக்கு தமிழ் வழியில் எழுத வாய்ப்பு உண்டு. அதுபோல மற்ற மாநிலத்தவர் அவரவர் தாய் மொழியில் எழுத வாய்ப்பு தரப்பட்டுள்ளது.

The post ’’கிராம வங்கிகளில் 8,612 காலிப்பணியிடம்..!’’ பட்டதாரிகள் விண்ணப்பிக்கலாம் first appeared on Madras Murasu.