நீட் தேர்வை ரத்து செய்­யக் கோரி தி.மு.க. இளை­ஞர் அணி, மருத்­துவ அணி, மாண­வர் அணி மற்­றும் பொறி­யா­ளர் அணி சார்­பில் கையெ­ழுத்து இயக்­கம் நடத்­தப்­ப­டு­கி­றது. அதனை தொடர்ந்து 10.11.2023 வெள்­ளிக்­கி­ழமை காலை 9.00 மணி­ய­ள­வில், திரு­வண்­ணா­மலை தெற்கு மாவட்ட தி.மு.க. இளை­ஞர் அணி, மாண­வர் அணி, மருத்­துவ அணி சார்­பில், திரு­வண்­ணா­மலை கம்­பன் மக­ளிர் கலை அறி­வி­யல் கல்­லூரி கலை­ய­ரங்­கில் நீட் தேர்வு ரத்து செய்­யக் கோரி மாண­வர்­க­ளி­டம் டிஜிட்­டல் கையெ­ ழுத்து இயக்­கம் நடை­பெற்­றது.

பொதுப்­ப­ணித்­துறை அமைச்­சர் எ.வ.வேலு

நிகழ்ச்­சிக்கு மாவட்ட இளை­ஞர் அணி அமைப்­பா­ளர் சி.என்.அண்­ணா­துரை எம்.பி தலைமை வகித்­தார். கழக பொறி­யா­ளர் அணி செய­லா­ளர் கு.கரு­ணா­நிதி, மாவட்ட மருத்­துவ அணி அமைப்­பா­ளர் பிர­வீன்­ஸ்ரீ­த­ ரன், மாவட்ட இளை­ஞர் அணி துணை அமைப்­பா­ளர்­கள் எஸ்.கண்­ண­தா­சன், கோ.ராஜ­சே­கர், எம்.ரமேஷ், எஸ்.சதீஷ்­கு­மார், டி.திலீப்­கு­மார், மாவட்ட மாண­வர் அணி துணை அமைப்­பா­ளர்­கள் மு.க.கௌத­மன், இரா.மின்­னல்­ க­மல், ஏ.வெங்­க­டா­ஜ­ல­பதி, ஆ.மாதேஸ்­வ­ரன், தேவி­ம­கேந்­தி­ரன், மாவட்ட மருத்­துவ அணி நிர்­வா­கி­கள் டாக்­டர் சவீ­தா­க­தி­ர­வன், டி.எம்.கலை­ய­ரசு, டாக்­டர் முத்­தை­யா­சி­வ­ராஜ், சக்­தி­வேல், டாக்­டர் எஸ்.விக்­னேஷ், டாக்­டர் யோகேஸ்­வ­ரன், டாக்­டர் வி.தமி­ழ­ர­சன், டாக்­டர் சதீஷ்­கு­மார், டாக்­டர் ரவிக்­கு­மார் ஆகி­யோர் முன்­னிலை வகித்­த­னர்.

மாவட்ட மாண­வர் அணி அமைப்­பா­ளர் காலேஜ் கு.ரவி அனை­வ­ரை­யும் வர­வேற்­றுப் பேசி­னார். நிகழ்ச்­சி­யில் கலந்­து­கொண்டு டிஜிட்­டல் கையெ­ழுத்து இயக்­கத்தை, பொதுப்­ப­ணித்­துறை அமைச்­ச­ரும், கழக உயர்­நிலை செயல்­திட்­டக்­குழு உறுப்­பி­ன­ரு­மான எ.வ. வேலு தொடங்கி வைத்து சிறப்­பு­ரை­யாற்­றி­னார்.

அப்­போது அமைச்­சர் எ.வ.வேலு பேசி­ய­தா­வது:–

சரஸ்­வதி அம்­மாள் அறக்­கட்­ட­ளை­யில் தான் பொறுப்­பில் இருந்த போது கம்­பன் கலை மற்­றும் அறி­வி­யல் மக­ளிர் கல்­லூ­ரி­யில் தான் பல்­வேறு நிகழ்ச்­சி­க­ளில் கலந்து கொண்­டதை நினை­வு­ப­டுத்தி பேசி­ய­வர் இந்த கல்­லூ­ரி­யில் படித்து சென்ற மாண­வி­க­ளின் பலர் அர­சுத்­துறை அதி­கா­ரி­க­ளா­க­வும், பல்­வேறு கல்­லூ­ரி­க­ளில் தலை­வ­ரா­க­வும் பேரா­சி­ரி­யர்­க­ளா­க­வும் இருக்­கி­றார்­கள்.

உத­ய­நிதி ஸ்டாலின் முயற்சி வர­வேற்­கத்­தக்­கது!

பலர் என்னை பல இடங்­க­ளில் பார்க்­கும் பொழுது தாங்­கள் கல்­லூ­ரி­யில் படிக்­கின்ற காலத்­தில் எங்­களை மாண­வி­க­ளாக நீங்­கள் பார்க்­கா­மல் தங்­க­ளு­டைய மகள்­க­ளாக பார்த்து பாது­காத்து படிக்க வைத்­தீர்­கள் என்று கூறு­வது எனக்கு மிகுந்த பெருமை அளிப்­ப­தாக உள்­ளது. எனக்கு பெண் பிள்­ளை­கள் இல்லை என்ற கவ­லையை போக்­கி­யது கம்­பன் கலை மற்­றும் அறி­வி­யல் மக­ளிர் கல்­லூ­ரி­யில் படிக்­கும் மாண­வி­கள்­தான்.

‘இதனை இத­னால் இவன்­மு­டிக்­கும் என்­றாய்ந்து அதனை அவன்­கண் விடல்’ என்ற வள்­ளு­வ­ரின் பொன்­மொ­ழிக்கு ஏற்ப நீட் தேர்­வுக்கு எதி­ராக விளை­ யாட்டு துறை அமைச்­சர் உத­ய­நிதி ஸ்டாலின் எடுத்­தி­ருக்­கும் இந்த முயற்சி பெரும் வர­வேற்பை பெற்­றுள்­ள­தா­க­வும், ஒரு இலக்கை அடைய வேண்­டும் என்­றால் ஆற்­றல் அறிவு மக்­க­ளி­டம் செல்­வாக்கு இருப்­ப­வர்­க­ளால் தான் முடி­யும் இவை அனைத்­தும் அமைச்­சர் உத­ய­ நிதி ஸ்டாலி­னி­டம் உள்­ளது.

தமிழ்­நாட்­டில் உள்ள இளை­ஞர்­கள், மாணவ, மாண­வி­கள் யார் பேச்சை, கேட்­கி­றார்­கள் என்­றால் அனை­வ­ரும் அமைச்­சர் உத­ய­நிதி ஸ்டாலின் பேச்சை கேட்­கி­றார்­கள் என்­ப­தால் தான் தமிழ்­நாட்­டில் பல்­வேறு அமைச்­சர்­கள் இருந்­தா­லும் நீட் எதிர்ப்பு கையெ­ழுத்து இயக்­கத்தை உத­ய­நிதி ஸ்டாலின் கையில் எடுத்­துள்­ளார். இதற்கு திரு­வண்­ணா­மலை மாவட்­டத்­தில் உள்ள அனைத்து மக்­க­ளும் மாணவ, மாண­வி­க­ளும் முழு ஒத்­து­ழைப்பு கொடுத்து உத­விட வேண்­டும்.

மாணவ, மாண­வி­க­ளா­கிய உங்­களை மருத்­து­வத்­து­றை­யில் தற்­பொ­ழுது படிக்க வைக்க ஈன்­றெ­டுத்த பெற்­றோர்­க­ளுக்கு தடை­யாக இருப்­பது நீட் தேர்வு என்­றும், 28க்கும் மேற்­பட்ட மாநி­லங்­க­ளைக் கொண்ட மிகப்­பெ­ரிய நாடு இந்­தியா என்­றும் ஆனால், தமிழ்­நாட்­டில் மட்­டும் தமி­ழக முதல்­வர் மட்­டும் ஏன் தமிழ்­நாட்­டில் நீட் தேர்வு ரத்து செய்ய வேண்­டும் என்று ஏன் கேட்­கி­றார்­கள் என்­றால் இந்­தி­யா­வி­லேயே விழிப்­பு­ணர்வு அதி­கம் உள்ள மாநி­லம் தமிழ்­நாடு என்­றும், திரா­விட இயக்­கங்­கள் தான் தமிழ்­நாட்­டின் அடை­யா­ளம்.

விழிப்­பு­ணர்வை உரு­வாக்­கிய இயக்­கம்!

ஒரு காலத்­தில் ஆண்­க­ளுக்கு மட்­டும்­தான் வாக்­கு­ரிமை இருந்த காலங்­கள் உண்டு என்­றும் சொத்து வைத்­தி­ருந்­தா­லும், வரி கட்டி இருந்­தா­லும் கூட பெண்­க­ளுக்கு வாக்­கு­ரிமை வழங்­காத காலங்­கள் இருந்­ததை சுட்­டிக்­காட்டி பேசிய அவர் நீதிக் கட்சி தான் பெண்­க­ளுக்கு வாக்­கு­ரி­மையை தமிழ்­நாட்­டில் முதன் முத­லில் கொண்டு வந்­தது என்று பேசிய அவர் இந்­தி­யா­வில் விழிப்­பு­ணர்வு உரு­வாக்­கிய இயக்­கம் திரா­விட இயக்­கம்.

ஒரு காலத்­தில் ஆஸ்­திக்கு ஆண் குழந்தை, ஆசைக்கு பெண் குழந்தை மூட­நம்­பிக்­கை­கள் இருந்த காலத்தை, மூட­நம்­பிக்­கை­களை தூக்கி எறிந்து ஒரே வயிற்­றில் பிறந்த ஆணாக இருந்­தா­லும், பெண்­ணாக இருந்­தா­லும் சொத்­தில் சம உரிமை அளித்து சட்­டத்தை நிறை­வேற்­றி­யது தந்தை பெரி­யா­ரும், தலை­வர் கலை­ஞ­ரும் தான்.

தமிழ்­நாட்­டில் பெண்­களுக்கு சொத்­தில் சம உரிமை உண்டு என்று சட்­டத்தை இப்­பொ­ழு­து­தான் நாடா­ளு­மன்­றத்­தில் நிறை­வேற்றி அனைத்து மாநி­லங்­க­ளும் பின்­பற்­று­கின்­ற­னர். தந்தை பெரி­யார் பேர­றி­ஞர் அண்ணா முத்­த­மி­ழ­றி­ஞர் கலை­ஞர் ஆகிய மும்­மூர்த்­தி­ க­ளும் பெண்­கள் படித்­தால் தான் நாட்­டின் சமு­தா­யம் முன்­னே­றும் என்­றும், பெண்­க­ளுக்­குத்­தான் குடும்ப பொரு­ளா­தா­ரத்தை உயர்த்த தெரி­யும்.

ஒத்துழைப்புத் தாரீர்!

பெண்­கள் கையில் நாட்டை கொடுத்­தால் தான் நாடு வளர்ச்சி அடை­யும் என்ற அடிப்­ப­டை­யில் பெண்­களை படி, படி, படி என்று சொன்ன இயக்­கம் திரா­விட இயக்­கம் இது­போல பல்­வேறு வர­லா­று­கள் திரா­விட இயக்­கத்­திற்கு உண்டு.

பல்­வேறு வர­லா­று­க­ளைக் கொண்ட திரா­விட இயக்­கம் தற்­பொ­ழுது நீட் தேர்­விற்கு விலக்கு வேண்­டும் என்று தொடர்ந்து அமைச்­சர் உத­ய­நிதி தலை­மை­யில் போராடி வரு­கி­றது நாட்­டில் பல­ரும் பல்­வேறு வகை­யில் அவர் அவர்­கள் சக்­திக்கு ஏற்­றார் போல வரி­களை கட்­டிக்­கொண்டு வரு­வ­தா­க­வும் இத­னால் தான் அரசு நடை­பெற்று கொண்டு இருக்­கி­றது.

திரா­விட மாடல் ஆட்­சி­யில் தமிழ்­நாடு முதல்­வர் கல்­வித்­துறை, மருத்­து­வத்­துறை, கட்­டு­மா­னத் துறை ஆகிய மூன்று துறை­க­ளை­ யும் தனது கண்­க­ளாக பாவித்து பல்­வேறு திட்­டங்­களை நிறை­வேற்றி வரு­கி­றார் என்­றும் கல்­வித்­து­றைக்­காக 20 ஆயி­ரம் கோடிக்கு மேல் ஒதுக்கி கல்­வித்­து­றையை மேம்­ப­டுத்த பல்­வேறு திட்­டங்­களை தமிழ்­நாடு முதல்­வர் நிறை­வேற்றி வரு­கி­றார். திரா­விட முன்­னேற்­றக் கழ­கம், ஒன்­றிய அர­சுக்கு எதி­ரா­க­வும், தமிழ்­நாட்டு மாண­வர்­க­ளின் நலன் கரு­தி­யும் கையில் எடுத்­துள்ள நீட் தேர்வு கையெ­ழுத்து இயக்­கத்­திற்கு அனை­வ­ரும் ஒத்­து­ழைக்க வேண்­டும்.

இவ்­வாறு அமைச்­சர் எ.வ.வேலு பேசி­னார்.

நிகழ்ச்­சி­யில் சட்­டப்­பேரவை துணைத்­த­லை­வர் கு.பிச்­சாண்டி, மாநில மருத்­து­வர் அணி துணைத்­த­லை­ வர் டாக்­டர் எ.வ.வே.கம்­பன், தலை­மைச் செயற்­குழு உறுப்­பி­னர்­கள் இரா.ஸ்ரீதரன், பொன்.முத்து, சட்ட­மன்ற உறுப்­பி­னர்­கள் மு.பெ.கிரி, பெ.சு.தி.சர­வ­ணன், மாவட்­டப் பொரு­ளா­ளர் எஸ்.பன்­னீர்­செல்­வம், மாவட்ட துணைச் செய­லா­ளர் ப்ரியா­வி­ஜ­ய­ ரங்­கன், நகர செய­லா­ளர் ப.கார்த்­தி­வேல்­மா­றன்,

மாவட்ட அமைப்­பா­ளர்­கள் டி.வி.எம்.நேரு, மங்­கலம் பிர­பா­க­ரன், ஏ.ஏ.ஆறு­மு­கம், பொன்.தனுசு, சி. ராம்­காந்த், பால­மு­ர­ளி­கி­ருஷ்ணா, ஒன்­றி­யச் செய­லா­ளர் பெ.கோவிந்­தன், கோ. ரமேஷ், கி.ஆறு­மு­கம், த.செந்­தில்­கு­மார், பேரூர் செய­லா­ளர் சி.கே.அன்பு, மாவட்ட துணை அமைப்­பா­ளர்­கள் எம்.ஆர்.கலை­மணி, கே.கந்­தன், எம்.வெங்­க­டேஷ் உட்­பட மாண­ வர்­கள், இளை­ஞர்­கள் என பலர் கலந்து கொண்­ட­னர்.

நிறை­வாக மாவட்ட இளை­ஞர் அணி துணை அமைப்­பா­ளர் சு.ராஜாங்­கம் நன்றி கூறி­னார்.

The post ”சமூக நீதிக்கு முன்­னோடி மாநி­லம் தமிழ்­நாடு..!” அமைச்சர் எ.வ.வேலு first appeared on Madras Murasu.

சென்னை, கிண்டி நெடுஞ்சாலை ஆராய்ச்சி நிலையத்தில், 22.9.2023 அன்று நெடுஞ்சாலைத்துறையின் மூலம் சாலைகள் பராமரிப்பு மற்றும் தரமான சாலைகள் அமைப்பது குறித்து, பொதுப்பணிகள், நெடுஞ்சாலைகள் மற்றும் சிறுதுறைமுகங்கள் துறை அமைச்சர் எ.வ.வேலு ஆய்வு நடத்தினார். இந்த ஆய்வுக்கூட்டத்தில் அமைச்சர் எ.வ.வேலு பேசினார். அப்போது பல்வேறு உத்தரவுகளை அவர் பிறப்பித்தார்.

’சாலைகளை பராமரிப்பது கட்டுமானம் மற்றும் பராமரிப்பு அலகின் முக்கிய பணியாகும். பராமரிப்பு பணிகளுக்கு அனைத்து பொறியாளர்களும் கூடுதல் கவனம் செலுத்த வேண்டியது அவசியமாகும். முதலமைச்சரின் விபத்தில்லா தமிழகம் என்ற இலக்கை அடைய சாலைகள், பள்ளமில்லா சாலைகளாக பராமரிக்கப்பட வேண்டும். தேசிய நெடுஞ்சாலை ஆணைய சாலைகளாக இருந்தாலும், அவற்றில் குழிகள் (pot holes) இருப்பின் அதை ஆய்வு செய்து, சீர் செய்ய திட்ட இயக்குநர் மற்றும் மண்டல அலுவலர் ஆகியோரிடம் அறிவுறுத்த வேண்டும்’’ என்று அமைச்சர் வேலு தெரிவித்தார்.

தமிழ்நாடு சாலை மேம்பாட்டு திட்டம், சென்னை – கன்னியாகுமரி சாலை மேம்பாட்டு திட்டம் போன்ற திட்டங்களில் செயல்படுத்தப்படும் சாலைகளில், தார்சாலை போடும் வரை போக்குவரத்துக்கு ஏற்றவாறு சாலைகளை பராமரிக்க வேண்டும். அவ்வாறு பராமரிக்கத் தவறும் பட்சத்தில், அது குறித்த தகவல்களை கட்டுமானம் மற்றும் பராமரிப்பு அலகை சேர்ந்த பொறியாளர்கள், உடனடியாக கண்டறிந்து அதனைத் தலைமை பொறியாளர்களுக்கு தெரிவிக்க வேண்டும். சாலைகளில் உள்ள வேகத்தடைகளை வர்ணம் பூசி தேவையான அறிவிப்பு பலகைகள் அமைத்து, விபத்துக்கள் ஏற்படா வண்ணம் பராமரிக்கப்பட வேண்டும் என்று கேட்டுக் கொண்டார்.

சாலை பாதுகாப்பு பணிகளுக்கு முக்கியத்துவம் அளிக்கப்பட வேண்டும். சாலையில் உள்ள மரங்களுக்கு கருப்பு வெள்ளை வர்ணம் அடித்தல், போன்ற பணிகளை செய்து விபத்து ஏற்படாத வண்ணம் பார்த்துக் கொள்ள வேண்டும். சாலை ஓரங்களில் உள்ள ஆபத்தான, உடையும் நிலையில் உள்ள மரக்கிளைகள் அகற்றப்பட வேண்டும். சாலைப் பணிகளை தரமாக செயல்படுத்துவதை தாரக மந்திரமாக கொண்டு, பொறியாளர்கள் பணியாற்ற வேண்டும். அனைத்து பணிகளுக்கும் பண பட்டுவாடா செய்யும் முன் தரக்கட்டுப்பாட்டு பிரிவு அலுவலர்களைக் கொண்டு தரத்தினை உறுதி செய்து கொண்ட பின்பே பண பட்டுவாடா செய்ய வேண்டும்.

ஏற்கனவே தேசிய நெடுஞ்சாலை அலகில் உள்ளது போல் கட்டுமானம் மற்றும் பராமரிப்பு அலகு மற்றும் பிற அலகுகளில் செயல்படுத்தப்படும் பணிகளிலும் தரக்கட்டுப்பாட்டு அலுவலர்களின் அறிவிக்கையை அளவு புத்தகங்களில் அளவீடு பதிவு செய்ய வேண்டிய அவசியம் குறித்து அமைச்சர் வேலு எடுத்துரைத்தார்.

மேம்பாட்டு பணிகளுக்காக ஒப்பந்ததாரர்களிடம் சாலைகளை ஒப்படைத்த பின், அச்சாலைகளில் ஏற்படும் நொடிகளை அவ்வப்போது சீர்செய்து, பணி முடிக்கும் வரை பள்ளமில்லா சாலைகளாக பராமரிக்க வேண்டிய பொறுப்பு அந்த ஒப்பந்ததாரருக்கு உள்ளது, அதை உறுதி செய்ய வேண்டியது அந்த பொறியாளரின் கடமையாகும், இவ்வாறாக இல்லாமல் அந்த ஒப்பந்ததாரர் தார் பணி செய்யும் வரை பள்ளங்களுடன் சாலைகள் வைத்துக் கொண்டிருப்பது அரசுக்கு அவப்பெயரை ஏற்படுத்துகிறது.

பணிகள் செயலாக்கத்தின் போது, சாலை பாதுகாப்புக்கு கூடுதல் முக்கியத்துவம் அளிக்க வேண்டும். பணி நடைபெறும் இடங்களில் சாலை பாதுகாப்பு உறுதி செய்வதை சாலை பாதுகாப்பு அலகில் உள்ள பொறியாளர்கள் அவ்வப்போது ஆய்வு செய்து அதை உறுதி செய்ய வேண்டும். பணிகள் நடைபெறும் பொழுது விபத்துக்கள் ஏற்பட்டு அதனால் உயிரிழப்புகள் ஏற்படுவது தவிர்க்கப்பட வேண்டிய ஒன்றாகும்.
மாண்புமிகு அமைச்சர் அவர்கள், நடைபெற்று வரும் அனைத்து பணிகளையும் மழைக்காலம் தொடங்குவதற்கு முன்பாகவே (அதாவது அக்டோபர் மாதம்) முடிக்க நடவடிக்கை எடுக்க வேண்டும். குடிநீர் வாரியம், தமிழ்நாடு மின்சார வாரியம், மெட்ரோ, கழிவுநீரகற்று வாரியம் போன்ற பிற துறைகளுடன் ஒருங்கிணைந்து மழைக்காலம் தொடங்குவதற்கு முன்பாகவே சாலைகளில் தோண்டப்பட்ட பள்ளங்களின் மறுசீரமைப்புப் பணிகள் முடிக்கப்பட வேண்டும். பிற துறைகளுடன் ஒருங்கிணைந்து உடனடியாக பணிகளை செயலாக்க உரிய நடவடிக்கை எடுக்க வேண்டும்.

அனுமதிக்கப்பட்ட சாலைகளில் தோண்டும் பணிகள் அனைத்திலும் அக்டோபர் மாதத்திற்குள் மறுசீரமைப்புப் பணிகள் முடிக்கப்பட வேண்டும். மழைநீர் வடிந்து செல்ல ஏதுவாக உயர்மட்ட புருவங்களை வெட்டுதல், தாழ்ந்த புருவங்களை நிரப்புதல் போன்ற பணிகளை செய்ய வேண்டும். பாலங்கள் மற்றும் சிறுபாலங்கள், வடிகால்களில் உள்ள செடிகள், முட்புதர்கள் போன்ற தடைகள் நீக்கப்பட வேண்டும்.

மலைப்பகுதிகளில் அமைந்துள்ள சாலைகளில் உள்ள (Catch pit) பிடிக்குழி, வடிகால் போன்றவற்றை மழைநீர் வடிந்து செல்ல ஏதுவாக நல்ல முறையில் பராமரிக்க வேண்டும். மழை பெய்தவுடன் கள ஆய்வு செய்து, எங்கு மழைநீர் தேங்குகிறது, எங்கு மழை நீர் சாலையைக் கடக்கிறது போன்றவற்றை ஆய்வு செய்து, அவற்றை தவிர்ப்பதற்கான முன்னெச்சரிக்கை நடவடிக்கைகளை மேற்கொள்ள வேண்டும்.
மின் அறுவை இயந்திரம், ஜெனரேட்டர், மின்சார நீரேற்று பம்புகள் மற்றும் லாரிகள் போன்ற அனைத்து இயந்திரங்களையும் உடனடியாகக் கொண்டு செல்ல ஏதுவாக தயார் நிலையில் வைத்திருக்க வேண்டும். தேவை அடிப்படையில் மணல் பைகளைத் தயார் நிலையில் வைத்திருக்க வேண்டும். பேரிடர் மேலாண்மைத் திட்டம் மற்றும் கட்டுப்பாட்டு அறைகளைத் தயார் நிலையில் வைத்திருக்க வேண்டும்.

பாதிக்கப்படக்கூடிய இடங்களை அடையாளங்கண்டு முன்கூட்டியே தயாராக இருக்க வேண்டும். அவசர கால பணிகளுக்கு மாவட்ட நிர்வாகம் மற்றும் பேரிடர் மேலாண்மை துறையுடன் ஒருங்கிணைந்து செயல்பட வேண்டும். மழைக்காலத்தில் வாகன சுரங்கப்பாதைகள் மற்றும் பாதசாரிகளின் சுரங்கப்பாதைகளில் நீர் தேங்குவதைத் தவிர்க்க தேவையான நீரேற்று பம்புகள் தயார் நிலையில் வைத்திருக்க வேண்டும் என்று அமைச்சர் வேலு அறிவுறுத்தினார்.

மேலும், அண்ணா சாலை, பூந்தமல்லி சாலை, ஜவகர்லால் நேரு சாலை, கத்திப்பாரா முதல் கோயம்பேடு வரை, ஜெனரல் பீட்டர்சன் சாலை, காந்தி இர்வீன் பாலம், திருவள்ளுவர் சாலை, இராமபுரம் சாலை, கொளத்தூர் சாலை, சென்னை தினத்தந்தி அலுவலகம் முன்பாக போன்ற இடங்களில் நடைபெறும் பணிகளை போர்க்கால அடிப்படையில் அடுத்த 15 நாட்களுக்குள் முடிக்க வேண்டும்.

இந்த வருடம் நிரந்தர வெள்ள சீரமைப்பு பணிகளுக்காக 46 பணிகளுக்கு 105 கோடி ரூபாய் மதிப்பில் நிர்வாக அங்கீகாரம் வழங்கப்பட்டுள்ளது. இந்த அனைத்துப் பணிகளும் அக்டோபர் மாதத்திற்குள் முடிக்கப்பட வேண்டும். கொளப்பாக்கம் சாலை, அணை ஏரி போன்ற இடங்களில் நடைபெற்று வரும் பணிகள் விரைந்து செயல்படுத்தி முடிக்கப்பட வேண்டும். மழை நீர் வடிகால் பணிகளை கண்டறிந்து விரைந்து முடிக்கப்பட வேண்டும் மேலும் இந்த ஆண்டு நிர்வாக அனுமதி வழங்கப்பட்டுள்ள வடிகால்களில் வண்டல் மண்ணை பிடிக்கும் குழி பணிகளில் சிறப்பு கவனம் செலுத்தி விரைந்து முடிக்கப்பட வேண்டும். எச்சரிக்கை பலகைகள், தகவல் பலகைகள், ஆகியவற்றின் இணைப்புகளில் உறுதித்தன்மை சரி பார்க்க வேண்டும் என்றும் அமைச்சர் வேலு உத்தரவிட்டார்.

முத்தமிழறிஞர் டாக்டர் கலைஞர் நூற்றாண்டு விழா கொண்டாட்டத்தை தொடர்ந்து செயல்படுத்த வேண்டிய 100 இடங்களில் மரக்கன்றுகள் நடுதல், 100 இடங்களில் சாலை பாதுகாப்பு குறித்த விழிப்புணர்வு கூட்டங்கள், 100 சிறு பாலங்களை புனரமைத்தல் போன்ற பணிகளை திட்டமிட்டவாறு செயல்படுத்த வேண்டும் என்றும் அமைச்சர் வேலு கேட்டுக் கொண்டார்..

இந்த வருடம் நிர்வாக ஒப்புதல் வழங்கப்பட்ட நபார்டு, சிஆர்ஐடிபி, சிஎம்டிபி, போன்ற பல்வேறு திட்டங்களில், அனைத்து அலகுகளில் உள்ள பணிகளுக்கு மதிப்பீடுகள் தயாரித்து, ஒப்பந்த புள்ளியில் கோரப்பட்டு, விரைவாக பணிகள் துவங்கப்பட வேண்டும். சாலைகளில் ஏற்படும் பாதிப்புகளை நெடுஞ்சாலைத்துறைக்கு தெரிவிக்க, ஒரு செயலி விரைவில் அறிமுகம் செய்யப்படும் என்றார் அமைச்சர் எ.வ.வேலு.

இந்த ஆய்வுக்கூட்டத்தில், நெடுஞ்சாலைகள் மற்றும் சிறுதுறைமுகங்கள் துறை கூடுதல் தலைமைச் செயலாளர் பிரதீப் யாதவ், தமிழ்நாடு சாலை மேம்பாட்டுத் திட்ட இயக்குநர் டாக்டர் எஸ்.பிரபாகர், நெடுஞ்சாலைத்துறை முதன்மை இயக்குநர், நெடுஞ்சாலை ஆராய்ச்சி நிலைய இயக்குநர், அனைத்து தலைமைப் பொறியாளர்கள் மற்றும் துறைச் சார்ந்த அலுவலர்கள் கலந்து கொண்டனர்.

The post ’’ஆய்வுக் கூட்டத்தில் அதிகாரிகளை எச்சரித்த அமைச்சர் எ.வ.வேலு..!’’ first appeared on Madras Murasu.